Капело: Конфликтот меѓу Фонсека и Џеко најмногу им наштети на Ромите

Легендарниот италијански стручњак Фабио Капело се огласи пред вечерашниот реванш натпревар од четвртфиналето на Европската лига помеѓу Рома и Ајакс.

Рома победи во првиот натпревар со 2:1 во првиот натпревар пред седум дена и има добар резултат во борбата за полуфиналето на ова натпреварување. Но, јасно е дека Ајакс нема да се предаде така лесно и дека ќе даде се од себе да направи пресврт и да се пласира понатаму вечерва.

Поранешниот тренер на римскиот клуб Фабио Капело зборуваше за италијанскиот Скај Спорт пред вечерашниот натпревар на Олимпико. Капело го пофали Пол Фонсека, но исто така истакна и некои негови пропусти.

“Ми се допаѓа Фонсека. Тој има одличен тим, но повредите не ги заобиколија ограчите и им недостасуваат некои играчи кои прават разлика на теренот”, рече Капело, а потоа се осврна на неодамнешниот конфликт меѓу Фонсека и Един Џеко.

“Имаше проблем со Џеко и тој го плати. Мислам дека тие најмногу се повредија. Лошата страна е што тимот лошо се брани, а најслаба страна им е голманот”.

Капело рече дека верува во Рома и дека ќе се пласира во полуфиналето, и дека треба да променат нешто на лето. За него е јасно дека голманот е најслабата алка во моментов во тимот на Волчицата.

“Тој имаше неколку одбрани во последно време, но тој не е силна алка за тимот. Голманот е како напаѓач кој постигнува многу голови затоа што може да има неколку важни одбрани во играта. Сепак, верувам во Рома и се надевам дека ќе видам нив во полуфиналето. “, заврши Капело.

Натпреварот помеѓу Рома и Ајакс се игра вечерва во 21 часот, а како што објавија медиумите на Апенините, Џеко исто така треба да игра од првата минута.

Веројатно составот на Рома: Пау Лопез, Манчини, Кристанте, Ибанез, Карсдорп, Веретут, Дијавара, Калафиори, Пелегрини, Мхитаријан, Џеко.

Веројатно составот на Ајакс: Стекеленбург, Клајбер, Шурс, Мартинез, Та Tagафико, Класен, Алварез, Гравенберх, Антониј, Тадиќ, Нерес.