Кејн го собори рекордот на Кевин Киген: Резултатот е секогаш најважен

Фудбалерите на Баерн во петокот ја постигнаа шестата последователна победа во Бундеслигата и се вратија на врвот на табелата. Барем до сабота попладне, кога Баер Леверкузен кој води до ова коло гостува кај Бремен.

Баварците гостуваа во Келн и победија со 1:0 со голот на Хари Кејн во 20. минута.

Тоа беше 18-ти гол во 12 натпревари за 30-годишниот Англичанец во најсилната германска лига.

„Беше навистина добар натпревар. Требаше да постигнеме повеќе голови во првото полувреме. Ја контролиравме играта надолу. Ова е важна победа по репрезентативната пауза. Резултатот е она што е најважно. Некои луѓе веројатно очекуваа нешто повеќе, но Келн добро се бранеше, а исто така и ние“, изјави Хари Кејн за официјалната веб-страница на клубот.

Покрај бројните рекорди кои сезонава ги урива во Бундеслигата, Кејн постави рекорд и во германското првенство, станувајќи првиот англиски играч кој постигнал толку голови во една сезона. До овој натпревар, тој го делеше првото место со познатиот Кевин Киген , кој постигна 17 гола за Хамбургер во сезоната 1978/79.