Клоп повтори: Мохамед Салах не е на продажба
Фото: Liverpool’s manager Jurgen Klopp, left, celebrates with his player Mohamed Salah after winning the English Premier League soccer match between Liverpool and Leicester City at Anfield stadium in Liverpool, England, Thursday, Feb. 10, 2022. Liverpool won 2-0. (AP Photo/Jon Super)
Тренерот на Ливерпул, Јирген Клоп, изјави дека „нема за што да се зборува“ во врска со статусот на фудбалерот Мохамед Салах во клубот, по наводите за профитабилна понуда од саудиски Ал Итихад.
„Мо Салах е играч на Ливерпул, тој е од суштинско значење за работите што ги правиме. Нема ништо. Ако имаше нешто, одговорот ќе беше – не“, изјави Клоп, пренесе Скај.
Британските медиуми објавија дека Ал Итихад понудил 100 милиони фунти за Салах, а Ливерпул во неколку наврати објави дека 31-годишниот египетски напаѓач не е на продажба.
„Мојата животна филозофија е дека размислувам за проблем само кога имам проблем. Во моментов нема ништо. Затоа не можам да размислувам за тоа“, изјави Клоп.
Во 2017 година Салах од Рома се пресели во Ливерпул за кој одигра 308 натпревари и постигна 187 голови.
Пред неполни две недели, агентот на играчот, Рами Абас, на социјалните мрежи изјави дека Салах е „тотално посветен“ на Ливерпул, а на прашањето дали се уште е така, Клоп одговори дека е „100 проценти“.
