Конте: Влогот е огромен

Иако Милан беше прв на табелата скоро од почетокот на сезоната, Интер поведе пред големото дерби, што им дава одредена психолошка предност на тимот на Антонио Конте.

„Зборуваме за две екипи кои се практично еднакви на врвот на табелата, со многу мала разлика. Тоа е одлично за градот, што значи дека влогот е огромен. Многу поголем од локалниот престиж. Ние мора да работиме со решителност и ентузијазам и треба да бидеме уште помотивирани“ – рече Конте .

По долго време, скоро една деценија, во ова време, два тима кои не се Јувентус директно се борат за титулата.

„Градиме нешто важно, го продолжуваме процесот на раст. А, Милан заслужи каде е и е одличен тим. Значи, ќе треба да бидеме најдобри што можеме.“