Костадинов: Сакавме победа, но не ги реализиравме шансите

Македонската фудбалска репрезентација  контролниот дуел против Летонија го заврши без погодоци.

Нашата селекција имаше неколку можности за погодок, но за жал не успеа да ги искористи.

Сакавме победа, но не успеавме. Ни недостасуваше погодок, имавме свои шанси, но голманот на Летонија се покажа одлично со неколку клучни интервенции. Позитивното е тоа што повторно ја сочувавме својата мрежа. Денешниот фудбал веќе е таков — сите екипи се цврсти и агресивни. Во Велс тоа може да биде уште поинтензивно, па мора да бидеме подготвени. Знаеме што нѐ чека и за што играме, ќе се потрудиме максимално да се подготвиме за она што ни следи во Кардиф, изјави Тихомир Костадинов.

Мечот против Летонија беше последна проверка на формата пред одигрувањето на решавачкиот дуел за освојување на втората позиција во групата што ќе одиграме во вторник против селекцијата на Велс.