Крос: Супер лига? Кој не би сакал постојано да го гледа најдоброто?!

Фудбалерот на Реал, Тони Крос смета дека формирањето на Супер лигата би донело придобивки за сите инволвирани страни бидејќи УЕФА не работи во интерес на навивачите и фудбалските фанови.

Суперлигата неодамна беше објавена во нов формат со четири нивоа на натпреварување и вкупно 80 екипи. Спротивно на првичната идеја, резултатите на теренот би го претставуваат основниот параметар по кој би се рангирале клубовите. Крос посакува да се воспостави Суперлига во таа форма бидејќи смета дека новото натпреварување би предизвикало поголем интерес кај навивачите.

„Мислам дека Суперлигата ќе заживее. Има повеќе причини – новиот предлог се разликува од првичниот и заслужува поголем публицитет. Ако внимателно ја погледнете ситуацијата од сите агли, ќе забележите дека УЕФА не е „добар Самарјанин“ кој постои и работи во интерес на фудбалските фанови. Според новиот формат, Суперлигата би била отворена за сите екипи бидејќи нема сет на клубови основачи чие учество би било загарантирано. Тоа би било клупско натпреварување, а не УЕФА – клубовите веруваат дека не им е потребна европската куќа на фудбалот за тоа. Верувам дека овој предлог заслужува барем една шанса“, рече Германецот и додаде:

„Иако веќе зборувавме за недостатокот на страст во модерниот фудбал, верувам дека Суперлигата може да ја подобри таа ситуација. Нејзиното постоење би донело нов ентузијазам и емоции кон повозбудливи натпревари. Да не се зафркаваме, многу луѓе би се радувале на редовни средби меѓу тимови како Реал Мадрид и Манчестер Сити. Кој не би посакал такво шоу секоја недела? Ниту љубителите на тенисот не се уморни од средбите меѓу Роџер Федерер и Рафаел Надал“.

The revamped Super League proposal features a number of significant changes that will ''guarantee open competition.''

Does it deserve a chance? Toni Kroos seems to think so 🤔 pic.twitter.com/X6j6wd752h

— DW Sports (@dw_sports) February 17, 2023