Куртоа брутално ги исмеваше играчите на Барса откако Реал ја освои 35-та титула

Би се рекло дека голманот на Реал Мадрид, Тибо Куртоа „го пречека лутиот ривал“.

Не така одамна, Реал беше поразен на „Сантијаго Бернабеу“ од Барселона на Чави со 4:0, но таа висока победа на Каталонците забележана пред нешто повеќе од еден месец на крајот не му се закани на Реал на патот кон титулата.

Мадридскиот великан денеска славеше против Еспањол со 4:0 и со тоа на четири кола пред крајот ја потврди 35. титула и е убедливо најтрофејниот шпански тим. Барселона има девет титули помалку.

По освојувањето на титулата, Куртоа едвај чекаше да им се реваншира на играчите на Барселона, па по дуелот со Еспањол кратко изјави:

„Некој славеше по Ел Класико како да ја освоил лигата.“

Белгискиот репрезентативец предизвика многу реакции во изјавата по споменатото Ел Класико, бидејќи рече дека победата на Барселона била „случајна“.

„Секако дека сум разочаран, но тоа беше случајна победа на Барселона. Тоа беше само една лоша ноќ за нас“, изјави тогаш голманот на Реал.