Лацио го продава Сергеј Милинковиќ-Савиќ за 100 милиони евра?

Раководството на Лацио планира да го продаде Сергеј Милинковиќ-Савиќ, бидејќи челниците на римскиот клуб сметаат дека српскиот фудбалски репрезентативец не е целосно посветен на тимот, пренесуваат италијанските медиуми.

Милинковиќ-Савиќ има договор со Лацио до јуни следната година, а првиот човек на римскиот клуб Клаудио Лотито не сака да го продаде српскиот фудбалер за помалку од 100 милиони евра.

Италијанските медиуми потсетуваат дека Арсенал е во потрага по фудбалер, кој треба да ја засили конкуренцијата во средниот ред на „топчиите“, а изборот наводно паднал на српскиот репрезентативец.

„Коријере дело спорт“ наведува дека претставници на Арсенал се во контакт со Матеј Кежман, кој е менаџер на српскиот фудбалер. Италијанските медиуми потсетуваат на изјавата на првиот човек на Лацио, Клаудио Лотито, кој на крајот на минатата година изјави дека не е заинтересиран за продажба на Милинковиќ-Савиќ.

Лотито рече дека играчот вреди 120 милиони евра и дека неговата цена постојано се зголемува“. Сепак, Лацио нема толку силна преговарачка позиција и не може да бара голема отштета, бидејќи српскиот фудбалер има договор со клубот до јуни следната година“, пишува италијанскиот весник.

Милинковиќ-Савиќ (27) е член на Лацио од 2015 година, а претходно настапуваше за Генк и Војводина. За римскиот клуб оваа сезона постигна пет гола на 22 натпревари. Фудбалерот на Лацио настапуваше за Србија на неодамнешното Светско првенство во Катар.

La Lazio è pronta a trattare per la cessione di Milinkovic: La Lazio non ha intenzione di portare Sergej Milinkovic Savic a scadenza e vuole monetizzare dal suo ormai inevitabile addio. Secondo quanto… https://t.co/1Wy0djSUX8 pic.twitter.com/diN1SCvHmk

— sportlive (@sportli26181512) January 11, 2023