Лидерите во Премиер лигата имаат радикален план за спасување на сезоната

Сè уште не е познато дали и кога би можеле да се продолжат националните првенства, но се чини дека Англичаните веќе имаат нов план.

Доколку се верува на нивните медиуми, челниците на Премиер лигата денес ќе излезат со радикален план за спас на сезоната.

Поточно, планот е англиските клубови да ги играат преостанатите 92 натпревари зад затворени врати, а сите натпревари би се играле на неутрален стадион, и во различни периоди и со телевизиски пренос во живо.

Така, сите натпревари би се играле на два или три стадиони, и никој не би имал можност да одигра натпревар на свој терен, за да не се соберат навивачите пред стадионот.

Исто така, првите неколку дена ќе се играа последователно сè додека не заврши распоредот, а потоа играчите ќе имаа малку повеќе одмор.

Главната причина за овој предлог е тоа што лидерите во Премиер лигата се свесни дека се работи за големи пари, особено според ТВ-компаниите.