Ливерпул цели 72 години не бил вака лош!

Ливерпул по два тешки порази во Премиер лигата (0:3 од Сити и Нотингем Форест) имаше можност во Лигата на шампионите да се врати на патот на победите, но наместо тоа ПСВ синоќа само ја продлабочи кризата на Енфилд со победа од 4:1.

„Кризата е многу силен збор и тоа без да се навредат некои играчи кои оставиле трага во овој клуб и тренерот кој до пред три месеци одлично ја работеше својата работа. Сепак, не може да се негира дека тимот многу се мачи, се наоѓа во ужасна ситуација, самодовербата е на најниско ниво и продолжуваат само да „крварат“. Ако тренерот не најде одговори и стабилност во тимот, ова ќе продолжи“, рече легендарниот Стивен Џерард.

Инаку, англискиот шампион загуби три натпревари по ред и претрпе веќе деветти пораз во последните 12 натпревари, што е најлошата низа во последните 72 години.