Лука Јовиќ: „Чувствувам дека се враќам во форма, работата конечно се исплати“

Српскиот фудбалер Лука Јовиќ синоќа повторно беше стрелец за тимот на Милан во Серија А.

Овојпат неговиот тим не успеа да дојде до бодови на дуелот со Аталанта, голот на Јовиќ дојде во 80. минута на асистенција на Кристијан Пулишиќ и го промени резултатот на семафорот на 2:2. Сепак, Луис Муриел мајсторски го реши прашањето на победникот во петтата минута од судиското надополнување.

Сепак, од перспектива на Лука Јовиќ, постигнатиот гол е од големо значење бидејќи е втор гол постигнат од српски репрезентативец по подолго време.

“Сигурно, резултатот во Бергамо не е онаков каков што сакавме. Можеше да оди и на друг начин. Одигравме подобро во првите 45 минути, но иницијативата не резултираше со водство. Што се однесува до мене, два гола на два натпревари по ред… Чувствувам да се вратам во форма во која сакам да бидам. Тренирам добро и работата конечно почнува да се исплати. Со довербата на тренерот Пиоли, навистина мислам дека сум на вистинскиот пат да покажам дека навивачите и тимот можат да сметаат на мене“, изјави српскиот напаѓач кој потоа додаде:

„Фокусирани сме на следниот предизвик, а тоа е Лигата на шампионите и докажување дека имаме квалитет да продолжиме да се натпреваруваме во Европа.