Лука Јовиќ има три понуди, но се чини дека веќе знае каде ќе оди

Српскиот напаѓач, Лука Јовиќ, пристигна во Реал Мадрид од Франкфурт минатото лето за 60 милиони евра.

Кралевите вложија многу пари за да го донесат Јовиќ, но не испадна дека е паметен потег. По само една година, Реал е подготвен да го продаде Јовиќ, бидејќи тие не се задоволни од неговите игри, но и од неговото однесување надвор од терените.

Деновиве се шпекулираат дека Лестер сака да го доведе Јовиќ во своите редови, кој е подготвен да плати 35 милиони евра онолку колку што бара Реал. Но, лисиците не се единствените што го сакаат Јовиќ во своите редови.

Марка денеска објави дека покрај Лестер, овој српски напаѓач има уште две опции, имено Челзи и Милан.

Сините покажаа интерес пред доаѓањето на Тимо Вернер, но тие сè уште не се откажаа од Јовиќ. Исто така, Милан е сериозен кандидат, но на „Сан Сиро“ го чекаат крајот на сезоната и исходот од ситуацијата околу договорот на Златан Ибрахимовиќ.

Но, како што пишува „Марка“, се чини дека росонерите се најреална опција за Јовиќ, кој нема ништо против да замине на „Сан Сиро“.