Лукаку: Никогаш не ме споредувајте со Роналдо

Белгискиот репрезентативец Ромелу Лукаку продолжува да доминира.

Белгија ја победи Естонија со 5-2 и Чешка со 3-0 во овој дел од квалификациите за СП, а Лукаку на тие натпревари постигна три гола и една асистенција.

Тој во моментов е напаѓач на Челзи во топ форма, што ја продолжи од минатата сезона кога постигна 30 гола на 44 натпревари.

Против Чешка го одигра јубилејниот 100 -ти натпревар за својата репрезентација, а досега постигна дури 68 голови.

Новинарите се заинтересирани дали може да ја достигне бројката од 111 гол што Роналдо ја даде за Португалија, што воедно е и светски рекорд.

“Никогаш не ме споредувајте со него. Никогаш. Кристијано е за мене еден од тројцата најдобри играчи во историјата на фудбалот. Нема да кажам дали е прв, втор или трет, но е меѓу нив. Она што го постигна во Фудбалот е апсолутно неверојатен за сите. Имав среќа да се натпреварувам против него додека бев во Италија. Сега ќе се сретнеме во Премиер лигата и мило ми е. И тие споредби на мене и него и споредбата на статистиката навистина немаат смисла“, рече Лукаку.

Ќе биде интересно да се следи дуелот помеѓу Челзи и Манчестер Јунајтед, откако и Лукаку и Роналдо повторно се на Островот.