Лукас Моура се враќа во репрезентацијата на Бразил по пауза од две години

Напаѓачот на англиски Тотенхем, Лукас Моура беше повикан во репрезентацијата на Бразил по повеќе од две години отсуство, откако го зазема местото на повредениот напаѓач на Гремио – Евертон.

Дваесетишестгодишниот Моура се приклучи на „селесао“ за натпреварите со Саудиска Арабија и Аргентина. Тој ќе ги запише првите минути од Копа Америка во 2016 година.

Бразил гостува на Саудиска Арабија во петок во Ријад, а тимот се собира денес. Четири дена подоцна „кариоките“ ќе се сретнат со Аргентина на стадионот во Џеда.

– Лукас е играч кој е вистински мотивиран и знаеме дека ги чека овие покани со огромно нетрпение, објасни техничкиот координатор на Бразилската фудбалска конфедерација Еду Гаспар, кој ја соопшти веста.