Македонските кадети поразени од Германија на Европското првенство

Македонската кадетска ракометна репрезентација го забележа вториот пораз на Европското првенство во Подгорица, овојпат од Германија со резултат 19:25. По израмнетото прво полувреме, кое заврши со предност од еден гол за Германија (9:10), нашите ракометари не успеаја да го задржат темпото во вториот дел. Германија го искористи почетокот на второто полувреме за да направи клучна разлика и да ја осигура победата.

Следниот натпревар на Македонија е закажан за утре во 14:30 часот против Полска.