Макси Лопез го купи култниот 147-годишен англиски клуб

По неколкумесечни гласини и преговори, поранешниот аргентински репрезентативец Макси Лопез стана сопственик на култниот островски клуб.

Поранешниот играч на Барселона и Милан конечно стана нов сопственик на Бирмингем Сити, 147-годишен клуб кој моментално настапува во англискиот шампионат.

Поранешниот аргентински фудбалер преку кратко видео на Твитер ја објави својата нова улога како сопственик на историскиот англиски фудбалски клуб. Спотот трае само девет секунди и го прикажува Макси Лопез како шета низ теренот на стадионот Сент Ендрјус, домот на Бирмингем Сити.

Објавата на Твитер беше придружена со реченицата која гласи: „Дома“, што е повеќе од јасен доказ за зделката која ги спојува поранешниот играч и клубот во потрага по нови успеси.

Макси стана првиот сопственик од аргентинска националност кој поседува англиски клуб. Поранешниот играч е дел од бизнис конгломерат кој конечно успеа да ја преземе сопственоста на Бирмингем.

Се очекува Макси Лопез преку својата компанија за капитални инвестиции овој вторник да се огласи формално и да ги даде првите насоки за тоа што во најмала рака ќе биде атрактивен проект.

Бирмингем е поранешен премиерлигаш и навивачите веруваат дека ќе дојдат подобри денови со новиот сопственик, односно дека овој тим конечно ќе се врати во друштво на најдобрите англиски клубови.

🗣 "We believe we can do big work in the City, for our fans and for the team."

Former Barcelona player Maxi Lopez and Paul Richardson are confident in their Birmingham City takeover pic.twitter.com/Jf9k0UeLCD

— Football Daily (@footballdaily) July 19, 2022

https://twitter.com/MaxiLopez_11/status/1549338306181218304?ref_src=twsrc%5Etfw%7Ctwcamp%5Etweetembed%7Ctwterm%5E1549338306181218304%7Ctwgr%5E%7Ctwcon%5Es1_c10&ref_url=https%3A%2F%2Fsportsport.ba%2Ffudbal%2Fmaxi-lopez-birmingham%2F430139