Манчестер Јунајтед се бореше за опстанок, а сега ќе игра за трофеј во Европа, ќе гледаме англиско финале (ВИДЕО)

Англиските прволигаши Манчестер Јунјатед и Тотенхем ќе играат во финалето во Лига Европа на 21 мај во Билбао.

Ова е епилогот од вечерашните реванш полуфинални натпревари во кои Манчестер јунајтед го елиминираше Атлетик Билбао со вкупен резултат 7-1, додека Тотенхем го исфрли норвешки Бодо/Глимт со вкупен резултат 5-1.

Манчестер Јунјатед ја задржа предноста од првиот дуел во Билбао од 3-0, совладувајќи го вечерва Атлетик со 4-1 пред своите гледачи со пресврт во вториот дел.

Шпанскиот тим, кој допатува на „Олд Трафорд“ без четворица клучни играчи, дојде во водство во 31 минута преку Хаурегизар, но Манчестер Јунјатед дојде до целосен резултатски пресврт со головите на Маунт (72, 90+1)), Касемиро (80) и Хојлунд (85).

Пласман во финалето со две победи обезбеди и Тотенхем, кој по триумфот пред една недела во Лондон од 3-1, триумфираше и вечерва на гостувањето во Норвешка со 2-0 со головите на Соланке (63) и Поро (69).