„Црвените ѓаволи“ долго време се обидуваа да го донесат напаѓачот на Борусија Дортмунд, а како што пренесува „Скај“, од „Олд Трафорд“ пристигна нова понуда за обраќање до германскиот тим.
Најновата понуда е околу 90 милиони евра. Јунајтед е подготвен да плати поголем дел од таа сума веднаш, а остатокот подоцна преку бонуси.
Борусија ја разгледува пристигнатата понуда, иако Дортмунд сака да заработи што повеќе пари и има намера да ги продолжи преговорите со Јунајтед.
Сепак, германскиот клуб има подготвеност да склучи договор ова лето и Санчо на крајот да замине во Манчестер, додека планот е да се задржи Ерлинг Халанд барем уште една сезона.
21-годишниот Англичанец оваа сезона забележа вкупно 38 настапи за Милионерите и постигна 16 погодоци со дури 20 асистенции. Претходно беше член на Сити, каде и порасна.
Самиот играч претходно изрази желба да се врати во Англија и наводно тоа е клубот од Манчестер Јунајтед во кој сака да игра во иднина, и покрај фактот дека израснал во Сити.
