Манчестер Сити ја врза 21-та победа, Граѓаните се поблиску до светскиот рекорд

Во натпреварот од 29. коло во англиската Премиер лига, Манчестер Сити го совлада Вулверхемптон со 4:1.

Иако Сити беше многу подобар од својот ривал, тие мораа да работат напорно за да забележат нова победа, 21-ва по ред и сега се на само четири победи од новиот рекорд. За потсетување, Бразилскиот тим Коритиба е рекордер со 24 последователни победи во сите натпреварувања.

Веќе во 15-та минута Сити поведе по автоголот на Дендонкер, а до крајот на првото полувреме Граѓаните не искористија некои пристојни прилики, а потоа ВАР го поништи голот на Лапорте поради офсајд во 44-та минута.

Волците трпеливо ја чекаа својата шанса и ја дочекаа во 61. минута. Коди го постигна својот прв гол во 113-от настап во Премиер лигата по одличното нафрлување на Мутињо.

Сити тогаш започна уште посилно да напаѓа, така што одбраната на гостите беше надиграна во 80-та минута. Вокер погоди брилијантно од десно, топката тргна кон Стерлинг, но на крајот се одби до Габриел Хесус, кој ја заби во мрежата. На самиот крај, разиграниот Махрез потврди три бода на својот тим.

И кога се чинеше готово, Хесус го постигна вториот гол на натпреварот за конечни 4-1. Тој го расчисти скокот, откако Руи Патрисио претходно го одбрани ударот на Гундоган.

Тимот на Пеп Гурадиола сега е на 65 поени, има дури 15 поени повеќе од Манчестер Јунајтед, кој, сепак, има натпревар помалку. Сепак, малку е веројатно дека некој ќе ги запре во шампионска трка до крај.