Манчини: На играчите на Италија им кажувам нешто едноставно, за да победат треба да се забавуваат

Сè е подготвено во Коверчано за собирањето на Италија, која ќе се подготвува за наредните 4 натпревари од „Лигата на нации“. Со враќањето на Роберто Манчини на чело, многу млади играчи за првпат ќе ја добијат поканата во азурите.

За првата порака, Манчини рече: „Мора да си тим кој игра добро, се забавува и има желба да направи нешто важно. Им кажувам на играчите да се забавуваат, бидејќи во спортот, ако не се забавуваш, не постигнуваш резултати. Имаме среќа што нашата работа е нашата страст“.

За неговите избори: „Повикав млади играчи затоа што треба да ги запознаеме директно и брзо да разбереме кој може да биде со нас во следните 4 години. Собрав повеќе играчи од вообичаеното, затоа што сакам да ги видам на теренот“.

Манчини бара од ветераните да им помогнат на младите, додека на овие последните им бара да дадат сè од себе: „Младите често играат помирно и без притисок, правејќи работи кои ветераните понекогаш не ги прават, затоа што премногу размислуваат“.

За целите, тој беше јасен: „Сакам тим кој доминира, игра добро и секогаш го дава максимумот. Не можеш секогаш да победуваш, но ние ќе тргнеме да победуваме“.

Што се однесува до тактичката шема: „Отворени сме за секое решение. Можеме да играме со два напаѓачи, со 4-3-3, но и на други начини. Тука сум за да победуваме што е можно побрзо. Љубопитен сум да ги видам младите и да изградам тим со нив. Сигурен сум дека ќе имаме големи задоволства“.