Марио Балотели ја напушта Бреша на крајот на сезоната, Раиола потврди со кои клубови преговара

Фудбалерот на Бреша, Марио Балотели, скоро сигурно ќе го напушти овој клуб на крајот на сезоната.

Ова, наводно, го потврдил неговиот агент Мино Раиола, а тој откри и со кои клубови преговара.

Балотели се врати во Италија минатото лето, и одигра добра сезона за Бреша, а на крајот на сезоната повторно излегува од Италија.

Најголем интерес за неговите услуги покажаа две екипи, една од Бразил, а другата од Турција. Ова се екипите Васко да Гаме и Галатасарај.

Иако Балотели има договор со Бреша до 2022 година, тој ќе побара трансфер, а се очекува челниците на овој клуб да не му предизвикаат проблем.

На деветнаесет натпревари одиграни оваа сезона, Марио Балотели постигна пет гола, но одлучи дека му треба подобар предизвик.