Марсело оди во клуб за кој до неодамна не ни сонуваше да игра?

Бразилскиот фудбалер Марсело го напушти Реал Мадрид на крајот од минатата сезона и моментално е слободен агент.

Марсело помина 15 години во Реал Мадрид и остави неизбришлива трага, а неколку сезони секако беше еден од најдобрите леви бекови во светот.

Сепак, искусниот фудбалер го напушти кралскиот клуб на крајот од минатата сезона бидејќи не можеа да се договорат за продолжување на соработката, односно Реал не му понуди нов договор на Марсело.

Ова навистина им пречеше на многу навивачи на Реал Мадрид кои сметаат дека Марсело едноставно заслужил да ја заврши кариерата во овој клуб, но тоа нема да се случи.

Иако веќе два месеци е слободен играч, овој 34-годишен фудбалер се уште не најде нов клуб, што е навистина големо изненадување.

Тој ја отфрли опцијата за враќање во Бразил, а од претходно Марселон на маса има понуди од Ница и Монца од кои не е премногу задоволен и не сака да брза со конечната одлука.

Сепак, германските медиуми најавија дека Марсело би можел да ги изненади сите со изборот на нов клуб и да заврши во Бундеслигата, каде пред неколку сезони сигурно не можеше да замисли дека ќе игра.

Наводно голем интерес за Бразилецот покажал Баер Леверкузен, кој веќе стапил во контакт со агентите на овој искусен играч и му нуди на Марсело двегодишен договор.

Челниците на Леверкузен испратија официјална понуда до Марсело и понудија многу подобри услови од Ница и Монца и сега со нетрпение ја чекаат одлуката на овој играч.

🚨 Le Bayer Leverkusen a fait une proposition pour signer Marcelo. 🇧🇷

Le joueur dispose également d’offres de l’OGC Nice et de Monza.

(@footmercato) pic.twitter.com/VlxnCvlr7I

— BeFootball (@_BeFootball) August 26, 2022

Се шпекулираше и дека Марсело летово би можел да ја заврши кариерата, но како што стојат работите тоа нема да се случи бидејќи се уште има голема желба да игра фудбал и да се испроба во друг клуб.

Марсело даде понуда до Флуминенсе, но на почетокот на 2007 година дојде во Реал Мадрид за 6,5 милиони евра. За Краљева одигра дури 546 натпревари и постигна 38 гола и додаде 103 асистенции. Со Реал освои дури 26 титули.