Мартинез: Примаме многу голови, но ние сме силни

„Сме во добра форма, но примаме многу голови. Лесно е да се обвини голманот, но ние сме тим. Од првиот до последниот играч, сите треба да го зголемиме нашето ниво. Верувам дека ќе успееме, затоа што ако имаме една особина, тоа е дека секогаш сме жедни за успех“.

Ова се зборовите на голманот Јосеп Мартинез, кој размислува за првиот дел од сезоната, како за себе така и за Интер:„Секогаш сакаме да победиме, да се подобриме и да додаваме нешто ново во нашата игра во секој натпревар, за да бидеме на врвот на формата за време на одлучувачките моменти од сезоната.”

“Секако дека треба да ги разгледаме нашите настапи во првите полувремиња; сме биле опуштени во одредени ситуации и не можеме да го дозволуваме тоа. Сепак, сум спокоен затоа што тимот е свесен за проблемот и ќе се концентрираме за да го решиме,” рече тој во интервју за ‘Ла Газета дело Спорт’.

„Сме силни и можеме да се натпреваруваме со секого, но за да го направиме тоа, треба да го избегнеме давање предност на противниците. Понекогаш работите одат во твоја полза, а понекогаш не,“ додаде шпанскиот голман на Интер.