Мбапе: Игравме како вистински мажи

Килијан Мбапе постигна два гола во победата на Реал Мадрид од 2-1 против Барселона во „Ел Класико“, успех што ја врати мадридската екипа во трката за титулата во Ла Лига. Францускиот напаѓач изјави дека оваа победа пренесува „добра порака“ за неговиот тим.

Овој резултат ги носи „лос бланкос“ само три поени зад каталонскиот клуб. „На крајот на краиштата, да победиме и да останеме во трката за титулата е многу важно за нас. Но, треба да продолжиме понатаму,“ изјави Мбапе за шпанските медиуми.

„Знаеме дека беше голем натпревар, но тој вреди три поени, и ни требаат многу поени за да го освоиме шампионатот. Победата пренесува добра порака, но не можеме да мислиме дека сезоната е завршена, бидејќи се уште ништо не е одлучено“, додаде францускиот играч.

Реал Мадрид има регистрирано пет последователни победи во сите натпреварувања од прекинот поради репрезентативните натпревари. „Ова е победа на тимот. Заслугата му припаѓа на тимот и групата, бидејќи знаевме дека мораме да играме како вистински мажи, но и како обединета екипа,“ рече Мбапе.

Подоцна, тој изјави: „Добро се подготвивме за последните натпревари, бидејќи победивме и игравме добро. Влеговме во овој натпревар со исправен менталитет и против Барса на ‘Камп Ноу’ дадовме сè што имавме.“

“Ако сакаме да имаме било каква надеж за остварување нешто оваа година, треба да дејствуваме како група и како тим, бидејќи квалитетот постои. Треба да дејствуваме како тим и како група, бидејќи само така ќе го постигнеме тоа што го сакаме,“ изјави Килијан Мбапе.

„Сите знаат дека ми се допаѓа да постигнувам голови и да му помагам на тимот на тој начин, но вчера тоа беше само еден детал. Оваа победа ќе му даде многу самодоверба на групата и ќе има уште многу голови, така што не е нешто толку важно“, рече Мбапе.