Мбапе ја пропушти Германија поради повреда, ќе биде подготвен за ЛШ
Фото: PARIS, FRANCE – JUNE 11: Footballer Kylian Mbappe is seen attending the Men’s Singles Final match between Novak Djokovic of Serbia and Casper Ruud of Norway on Day Fifteen of the 2023 French Open at Roland Garros on June 11, 2023 in Paris, France. (Photo by Clive Brunskill/Getty Images)
Фудбалерот на Пари Сен Жермен, Килијан Мбапе го пропушти пријателскиот натпревар меѓу Франција и Германија, кој се играше во Дортмунд, поради повреда на коленото, пренесуваат француските медиуми.
Германија победи со 2:1, а единствениот гол за Франција го постигна Антоан Гризман. Француските медиуми пренесуваат дека Мбапе треба да се опорави до крајот на неделата.
„Мбапе има проблем со повреда на коленото. Иако се работи за полесна повреда, таа му прави проблеми. Не сакавме да ризикуваме“, изјави селекторот на Франција, Дидие Дешамп.
Француските медиуми пренесуваат дека стручниот штаб на Пари Сен Жермен очекува најдобриот играч на „светците“ да закрепне до крајот на неделата.
Мбапе би можел да го пропушти натпреварот од следното коло на францускиот шампионат против Ница, но сигурно ќе биде подготвен за дуелот од првото коло во Лигата на шампионите со Борусија Дортмунд, кој ќе се одигра во вторник во Париз.
