Меси потврди: Мајами е мојата нова дестинација (ВИДЕО)
Фото: PARIS, FRANCE – JUNE 03: Lionel Messi of Paris Saint-Germain during the Ligue 1 match between Paris Saint-Germain and Clermont Foot at Parc des Princes on June 03, 2023 in Paris, France. (Photo by Julian Finney/Getty Images)
Лионел Меси во ексклузивно интервју за Мундо Депортиво потврди дека од следната година ќе игра за Интер Мајами, чиј еден од водечките луѓе е Дејвид Бекам.
Славниот Аргентинец, еден од најдобрите фудбалери во историјата, истакна дека парите не биле пресудни при донесувањето на оваа одлука.
„Одам во Мајами. Тоа е 100 проценти потврдено. Да се работеше за пари, ќе одев во Саудиска Арабија. Јасно е дека парите не ми беа на прво место. Подготвен сум за нов предизвик“, изјави Меси.
Засега не се знае колку ќе заработи Меси, но познато е дека договорот е потпишан на три години со опција за раскин на крајот од секоја сезона.
Важна улога во доаѓањето на Аргентинецот во САД имаа „Адидас“ и „Епл“, две компании со кои Меси има спонзорски договор.
🚨 Así nos decía Messi que se marcha al #InterMiamiCF
📲 https://t.co/GhXotuwzAC pic.twitter.com/tPJxba5pa0
— Mundo Deportivo (@mundodeportivo) June 7, 2023
