Месут Озил рече НЕ и стана предавник: „Срам да ти е!“

Играч од средниот ред Месут Озил не го прифати намалувањето на платите и е еден од тројцата фудбалери на Арсенал кои не се согласија на 12 проценти помала заработка.

Како резултат на пандемијата на коронавирус, Арсенал, како и повеќето фудбалски клубови, одлучи да ги намали платите на своите членови. Озил, кој заработува 400.000 фунти неделно, го отфрли ваквиот предлог, предизвикувајќи го бесот на Пирс Морган, голем обожавател на Арсенал и ТВ презентер.

„Срам да ти е Месут! Младите играчи кои во споредба со тебе заработуваат ситница, се согласуваат со пониска плата од 12,5 проценти, а ти не … Срам да ти е“, напиша Морган.

„Поради таквите како тебе уништен е угледот на многу фудбалери. Ти заслужуваш угледот да ти биде уништен. Ти си еден од најплатените, а главно седиш и играш на PlayStation без да се согласиш на намалување. Срам да ти е“, рече Морган.

Поранешната германски репрезентативец има одиграно 23 натпревари и постигна еден гол со три асистенции, а неколку месеци наназад се зборува за неговото заминување од Арсенал. Клубот сака да се ослободи од него, но Озил не сака да оди, и не е ни чудно со оглед на тоа колку заработува на „Емирати“.