Модриќ може да го продолжи договорот со Реал

Реал Мадрид планира да ја продолжи соработката со хрватскиот ветеран уште една година. Новиот договор може да биде потпишан во наредните недели или месеци

Лука Модриќ може да го продолжи искуството во Реал Мадрид.

Фудбалерот од средниот ред веќе неколку сезони игра успешно на „Сантијаго Бернабеу“.

А сега, шпанскиот дневен весник „Марка“ пренесува дека „Лос Бланкос“ имаат намера да му го продолжат договорот на уште една година.

Според овој медиум, договорот може да биде постигнат во наредните недели или месеци.

На хрватскиот репрезентативец може да му биде продолжен договорот за една година, што значи дека ќе го видиме како игра за Реал и во следното издание.