Мулер се обиде да се потсмева на Госенс, но снаодливиот германски херој го спушти брилијантно
Робин Госенс е новиот херој на германската репрезентација по блескавата игра против Португалија.
Во големата победа над европскиот шампион со резултат 4:2, Госенс постигна гол и запиша две асистенции, а на крајот беше прогласен за играч на натпреварот.
Интересно, Јоаким Лев го извади одличниот дефанзивец на Аталанта од игра по еден час игра, но тој сепак беше избран за најдобар поединец на натпреварот.
После натпреварот, Томас Мулер, кој го одигра целиот натпревар, го „фрли“ на Госенс, но неговиот помлад соиграч имаше готов одговор.
„Не сум изненаден што истрчавте само 60 минути, вие играте во Италија“, провокативно зафати фудбалерот на Баерн.
„Подобро е да се игра 60 минути добро отколку 90 минути лошо“, беше одговорот на дефанзивецот на Аталанта, за кого мора да се признае дека играл нетипичен фудбал според италијанските стандарди во последните неколку години.
La replica di #Gosens? “Meglio 60 minuti fatti bene che 90 fatti male” 😎 pic.twitter.com/6kxwsRAnzc
— GOAL Italia (@GoalItalia) June 19, 2021
