Мундо Депортиво го откри составот на Куман за пресметката против Атлетико Мадрид

Фудбалерите на Барселона играат вечерва на гости против Атлетико Мадрид во натпреварот од десеттото коло во Ла Лига.

По репрезентативната пауза, каталонскиот клуб сака да ја продолжи сезоната со победа, но јасно е дека ќе имаат многу тешка игра на гости. Фудбалерите на Атлетико ќе бидат дополнително мотивирани затоа што овој клуб не успеа да ја победи Барса во Ла Лига повеќе од десет години.

Двајцата тренери имаат проблеми со составот за вечерашниот натпревар. Роналд Куман е во неволја поради повреди на играчите, а Диего Симеоне поради коронавирус.

Најголем проблем за Куман е недостатокот на Серхио Бускетс кој се повреди на мечот на Шпанија, и ќе биде надвор од теренот неколку недели. Заедно со Де Јога, Бускетс беше играчот со најмногу минути, но Холанѓанецот ќе мора да бара друго решение.

Шпанските медиуми веруваат дека тоа ќе биде БХ. репрезентативецот Миралем Пјаниќ, кој денес конечно треба да игра од првата минута. Мундо Депортиво исто така го објави веројатниот состав на Барселона за вечерашното дерби, а исто така веруваат дека Пјаниќ ќе биде во почетниот состав.

Веројатно составот на Барселона : Тер Штеген, Дест, Пике, Ленглет, Алба, Де Јонг, Пјаниќ, Педри, Меси, Дембеле, Гризман.