Најдобриот српски ватерполист одби да се ракува со градоначалникот на Белград (ВИДЕО)

Српските олимпијци синоќа пристигнаа во Белград на дочек на кој ги пречекаа околу 40.000 навивачи, но не помина сè во најдобар ред. Имено, најдобриот играч на српската ватерполо репрезентација и најдобар стрелец на Олимписките игри, Душан Мандиќ, не сакаше да се ракува со градоначалникот на Белград, Александар Шапиќ. Другите српски ватерполисти се ракуваа со градоначалникот на Белград, а Мандиќ само помина покрај него и остро го погледна.

Odličan Mandić pic.twitter.com/jo1RGsDrHq

— pfc (@partizanfoto) August 12, 2024

Шапиќ е и поранешен ватерполист и сопственик на ватерполо клубот Нови Белград, а е познат по бројни скандали. Тој лани се судри со Мандиќ и нареди еден од најдобрите ватерполисти во светот да биде исфрлен од тимот на Нови Белград.

Да потсетиме Србија Игрите ги заврши со пет освоени медали. Злато освоија и Зорана Аруновиќ и Дамир Микец во стрелаштво (мешан екипен медал) и Новак Ѓоковиќ во тенис, Александра Перишиќ сребро во теквондо, а кошаркарите бронза.