Најтажната фотографија во историјата на фудбалот

Нешто помладите генерации ќе кажат дека Лео Меси и Кристијано Роналдо се најдобри на сите времиња, сепак оние кои пораснале кон крајот на 90-тите нема да се согласат со тоа. Повеќето ќе издвојат едно име – Луис Назарио да Лима Роналдо.

Роналдо за многумина е најдобар фудбалер на сите времиња, но поради огромни проблеми со повредите, тој никогаш не успеа да игра со полн капацитет.

Легендарниот Бразилец овие денови го прослави својот 44-ти роденден, и со право се поставува прашањето каде би завршил доколку не претрпеше неколку сериозни повреди како играч на Интер.

https://www.instagram.com/p/CFFUfJijF0M/?utm_source=ig_embed&ig_mid=D7116BD8-C528-472E-A659-F1A5E942BD1F

Сцената кога беше изнесен на носила од теренот е можеби најтажната во историјата на фудбалот, кога издржа само шест минути во полуфиналето од Купот на Италија против Лацио.

Оттогаш тој не е истиот играч. Тој сепак постигна маестрални голови, но загуби од експлозивност што го спречи да стане идеален спој на брзина, сила и вештина.

После тоа, тој успеа да се врати и да го освои Светскиот куп со Бразил во 2002 година, играше добро и во Реал Мадрид, но со текот на времето повредите го направија своето, тој исто така се здебели, па се прости од фудбалот во февруари 2011 година.