Connect with us

Фудбал

Наместо Франција ја избера Шпанија, тој ќе се најде на списокот на играчи за Европското првенство

Ајмерик Лапорт одлучи во иднина да игра за репрезентацијата на Шпанија.

Луис Енирке го замоли предводникот на Шпанската фудбалска федерација пред неколку недели да ја проучи можноста стоперот на Манчестер Сити да игра за Шпанија. Сега, кога е утврдено дека постои можност за игра, Лапорт ќе се најде на списокот на играчи за Европското првенство на 21 мај.

Поранешниот играч на Атлетик одговори позитивно на повикот на лидерот на Шпанската фудбалска асоцијација, а исто така правилата на ФИФА предвидуваат тој да може да го смени спортското државјанство затоа што не играше за сениорската репрезентација на Франција.

Лапорт е 26-годишен стопер кој играше за младинските селекции на Франција, но сега ќе им биде на располагање на Шпанците. Дидие Дешамп избегна конкретно да каже зошто не му се јавува на Лапорт, кој сега е загубен за Франција.

Досега оваа сезона, Лапорт и неговиот тим одиграа 27 натпревари во сите натпреварувања. Почетокот на сезоната не беше добар за поранешниот играч на Атлетик. Некои нарушувања и позитивниот тест за коронавирус го тргнаа од теренот, но по враќањето тој стана неопходен.

Тој е на работ на титулата во Англија со Сити, а на 29 мај ќе го игра финалето во Лигата на шампионите против Челси. Ова очигледно може да биде месец за памтење за одличниот фудбалер.

Реклама

Facebook