Наполи го „украде“ засилување на Анчелоти

Поради пандемијата на коронавирусот прекинати беа натпреварувањата ширум светот, но тоа не ги спречува некои клубови да прават планови за сезоната што следува.

Пример за тоа е Наполи, чии лидери, според некои италијански медиуми, веќе го договориле првото засилување за сезоната што следува.

Дефанзивецот на Лил, Габриел Магаљеш, наводно, доаѓа во Наполи, со кого ги договорија сите услови, а договор со неговиот клуб наводно е формалност, кој треба да добие околу 30 милиони евра во трансфери со бонуси.

Наполи го „украде“ Магаљеш од Карл Анчелоти, кој очајно го сакаше во Евертон. Бразилецот дури имаше и лекарски прегледи, но со доаѓањето на пандемијата на коронавирусот целиот бизнис пропадна, а на крајот тоа го искористи Наполи.

Се шпекулира дека Арсенал, Челси и Лестер Сити сè уште биле заинтересирани за Магаљеш.

Бразилецот оваа сезона има одиграно 34 натпревари во дресот на Лил во сите натпреварувања.