Навивач на Реал платил 2.800 евра за да го гледа Ел Класико со својот син, но бил исфрлен од стадионот „Камп Ноу“

Навивач на Реал Мадрид платил 2.800 евра за да го гледа Ел Класико со својот син, но двајцата биле отстранети од трибините на „Камп Ноу“ откако го прославиле голот на Килијан Мбапе.

Un padre denuncia que fue expulsado del Camp Nou tras pagar 2.800 euros por entradas para el Clásico

František Vavrek, madridista, asegura que tras pagar un alto precio por las entradas para celebrar el 18 cumpleaños de su hijo, fueron expulsados y acabaron viendo el partido en un taxi.

Leer Noticia Completa👇🏻

https://t.co/fhZ1HdOSN3

#FutGol360 #Fútbol #LaLiga

— FUTGOL360 | Fútbol (@FUTGOL360_) October 27, 2026

Словакот Франтишек Ваврек сакал да му подари на синот Денис незаборавно искуство за неговиот 18-ти роденден. Тие биле сместени меѓу навивачите на Барселона, а според тврдењата на таткото, обезбедувањето претходно им забранило да влезат на стадионот со дресови на Реал.

Откако го прославиле голот на Мбапе, околу десетмина припадници на обезбедувањето ги отстраниле од трибините, наведувајќи дека не можат да ја гарантираат нивната безбедност. Интервенирала и полицијата, а преостанатиот дел од натпреварот таткото и синот го следеле на мобилен телефон во такси.

Ваврек побарал враќање на парите за билетите, но засега не добил поврат. Барселона, според медиумските извештаи, сè уште не се изјаснила за случајот.