„Не, благодарам“ – Само што стигна во Интер, дојде понуда од 40 милиони евра од Премиер лигата

По одличната сезона во Клуб Бриж, каде што постигна 9 гола и 5 асистенции, Интер одлучи да плати 23 милиони евра и конечно да го врати во своите редови дефанзивниот играч за врска, Александар Станковиќ.

Тренерот Кристијан Киву инсистираше на враќање на Станковиќ, бидејќи го гледа 21-годишниот како исклучително важен елемент за сегашноста и иднината на средниот ред на Интер.

Интересот за Станковиќ ова лето беше огромен од други клубови. Последната понуда беше 40 милиони евра од Брентфорд во Премиер лигата.

Според Ла Газета дело Спорт, Интер, самиот играч и семејството Станковиќ сите заедно цврсто кажуваат „не, благодарам“ на понудата од 40 милиони евра од Брентфорд.