Нејмар кратко и јасно одговори на понудата: Да, да и да …

Најскапиот фудбалер, Нејмар е на излезна врата од ПСЖ, и нема никаква дилема за тоа каде ќе ја продолжи кариерата.

Бразилецот повторно ќе го носи дресот на Барселона. Засегнатите страни веќе зборуваа и Нејмар е подготвен за голем кам-бек.

„Каталонски спорт“ доби потврда дека преговорите се завршени и дава само кратки информации за разговорите што биле објавени.

„Да, да и да. Нејмар потврди дека сака да се врати во Барселона“, пишува каталонскиот весник.

Нејмар го напушти Ноу Камп летото 2017 година и замина во ПСЖ во трансфер од 222 милиони евра.

Цената сега е малку пониска. Тој изнесува 150 милиони евра, но Барса е исто така подготвена да понуди играчка размена во која би биле вклучени Усман Дембеле и Филипе Кутињо.

ПСЖ, исто така, наводно не е против, па затоа нема да биде ни чудо ако повторно го погледнеме Нејмар во дресот на Барселона.

Од 2013 до 2017 година Нејмар постигна 105 голови на 186 настапи за Барса, додека во дресот на ПСЖ одигра 80 натпревари и ја погоди мрежата на противникот 69 пати.