Некогашната ѕвезда на Англија стигна во Италија, ама на проба!

Англискиот напаѓач Деле Али (28) пристигна во Италија каде треба да ја заврши својата преселба во клубот Комо од Серија А. Али тренираше со Евертон за да ја одржува формата, но минатата недела преку емотивна изјава на социјалните мрежи објави дека неговото време со „Карамелите“ завршило. Непосредно пред тоа, поранешната ѕвезда на Тотенхем и Англија беше виден во Комо, а медиумите сугерираат дека италијанскиот клуб ќе му понуди спасувачки пакет. Сега, според La Gazzetta dello Sport, Али пристигнал во Комо и ќе започне проба со клубот со кој раководи шпанската легенда Цеск Фабрегас.

Dele Alli 'arrives in Como as he begins trial period with the Serie A side' – as former Tottenham and England star looks to revive career in Italy after Everton exit https://t.co/tgdC1wcZ3b

— Mail Sport (@MailSport) December 26, 2024

Во текстот се наведува дека Комо и Фабрегас ќе ја проценат состојбата на Али и ќе одлучат дали ќе потпишат трајно со него. Инаку, 28-годишниот последен пат играше натпреварувачки во февруари 2023 година за време на позајмица во турски Бешикташ. Откако Али беше забележан во Комо, Фабрегас зборуваше за врски со поранешниот играч на Тотенхем, но потоа ги отфрли тврдењата дека трансферот ќе се реализира.