Нелсон Хиса е блиску до договорот за борба за светската титула во тешка категорија

Албанскиот боксер Нелсон Хиса (25 победи и ниту еден пораз) е блиску до договор за борба со Германецот Агит Кабајел. Овој последниот е светски шампион во тешка категорија, во WBC категоријата, титула што ја освои откако Олександр Усик ја остави вакантна во јуни оваа година.

И Кабајел е непоразен во рингот (27 победи и ниту еден пораз). Тој го држеше привремениот појас на тој Дивизион до тој момент, но сега треба да избере ривал за прва одбрана на титулата. И изгледа дека Нелсон Хиса е главниот кандидат.

Боксерот на 42-годишна возраст самиот го потврди ова, изјавувајќи дека веќе го има потпишано договорот и дека очекува и Кабајел да го стори истото. Германските медиуми потврдуваат дека има постигнато прелиминарен договор, иако нема официјализација од страните.

Се предвидува дека овој дуел ќе се одржи на 28 ноември во Германија, на “Меркур Шпил Арена” во Диселдорф. Ова би бил голем предизвик за Нелсон Хиса, кој има шанса да се бори за светската титула во тешка категорија во WBC, титула која некогаш ја држеа и Деонтaј Вајлдер и Тајсон Фјури.