Нема крај на добрите вести за навивачите на Старата дама: Јувентус комплетираше уште два трансфери
Јувентус го направи својот најдобар јануарски преоден рок во последните 20 години.
Иако во пресрет на јануари Макс Алегри и Маурицио Аривабене велеа дека нема да има промени во играта на зимскиот трансфер пазар, сепак се случи спротивното.
Јувентус заврши навистина одлична работа. Душан Влаховиќ пристигна во петокот, а во последните часови од преодниот рок беше официјализиран уште еден дојдовен трансфер.
Нов играч на великаните од Торино стана Денис Закарија кој пристигна од Борусија Менхенгладбах и ќе го засили средниот ред.
Закарија утрово беше на лекарски преглед, а попладнето и официјално стана нов играч на Јувентус.
Viel Erfolg auf deinem weiteren Weg, @Deniszakaria8! 💚
Denis Zakaria wechselt mit sofortiger Wirkung zu @juventusfc. Am Sonntagabend erzielten beide Vereine Einigung über den Transfer, heute Morgen absolvierte der Schweizer in Turin die sportmedizinischen Untersuchungen.
— Borussia (@borussia) January 31, 2022
Јувентус го прими и младиот дефанзивец Федерико Гати, кој потпиша договор до 2026 година, но ќе остане на позајмица во Фросиноне до крајот на сезоната.
Тоа не е крајот на добрите вести за навивачите на Јувентус бидејќи Арон Ремзи го напушти клубот за да ја продолжи кариерата во Шкотска.
OFFICIAL | Federico Gatti joins Juventus ⚪️⚫️
— JuventusFC 🇬🇧🇺🇸 (@juventusfcen) January 31, 2022
Ремзи веќе е на лекарски прегледи во Глазгов, по што следи потпишување на договор со Ренџерс.
Велшанецот до крајот на сезоната ќе игра за Ренџерс како позајмен играч, а дел од платата ќе му покрие Јувентус.
Претходно, Старата дама ја напуштија Родриго Бентанкур и Дејан Кулушевски. Нивната следна станица е Тотенхем.
