Нема повеќе тајни: Халанд одлучи за кој клуб да потпише на крајот од сезоната

Норвешкиот напаѓач Ерлинг Халанд речиси сигурно ќе ја напушти Борусија Дортмунд на крајот од оваа сезона.

Халанд се поврзува со многу европски клубови, а од неодамна најмногу се истакнуваат Барселона, Реал Мадрид и Манчестер Сити.

Норвежанецот многумина најмногу го поврзуваат со трансфер во каталонскиот клуб, но прашање е дали Барселона има доволно пари да го доведе Халанд, а јасно е дека многу клубови се во подобра ситуација од Барса.

Но англиските медиуми утринава направија вистински хаос со објавата дека Халанд веќе одлучил каде ќе ја продолжи кариерата и дека тоа нема да биде Шпанија туку Англија.

„Дејли мејл“ објави дека Халанд веќе некое време е во контакт со челниците на Манчестер Сити, како и дека се согласил кариерата да ја продолжи во дресот на клубот од „Етихад“.

Медиумите во Англија пишуваат дека преговорите се одвиваат одлично, и дека Халанд речиси ги договорил сите услови од договорот со Манчестер Сити и дека најверојатно ќе биде еден од најплатените играчи во светот.

🚨 Erling Haaland to Man City:

➡️ Deal now in place
🇳🇴 Personal terms have been discussed
🔵 Player expected to choose City
💰 Total outlay expected to reach £100M
✍️ Transfer structure ready to be signed off by officials

(Source: @MailSport) pic.twitter.com/bS7izLqCDS

— Transfer News Live (@DeadlineDayLive) March 12, 2022

Сити е решен да ја активира неговата клаузула во договорот со Дортмунд на лето, според која Халанд може да замине за 80 милиони евра, а единствено останува да договорат се со Норвежанецот, што очигледно за малку и го направиле.