Нереални сцени од Валенсија: Стадионот празен, а пред над 10.000 навивачи кои не сакаат да одат на трибините
Валенсија вчера на домашен терен ја победи Селта Виго со 2-0 во последното коло од шпанската Ла Лига, а неверојатната сцена од овој натпревар го обиколи светот.
Валенсија ја победи Селта со гол на Гомез и автогол на Араухо, но сите останаа шокирани кога видоа дека овој натпревар се игра пред празни трибини и не им беше јасно што се случува на Местаља.
Преносот покажа дека на трибините речиси и да нема навивачи, но сепак се слушаше песната на навивачите на Валенсија и на многумина не им беше јасно за што се работи.
Сепак, набрзо потоа пристигна објаснување. Имено, пред Местаља имаше повеќе од 10.000 навивачи кои навиваа во текот на целиот натпревар, но одбиваа да влезат на трибините на својот стадион.
ÉXITO TOTAL DEL VALENCIANISMO | 📽️🦇
🔥Manifestación CONTRA MERITON
↔️CONTRASTES AV/SUECIA – MESTALLA
¡Que se entere TODO EL MUNDO! #LimGoHome pic.twitter.com/6tzc1DgwTE
— Superdeporte (@superdeporte_es) May 21, 2022
На овој начин тие го покажаа својот протест против сопственикот на клубот, Питер Лим и Меритон, кого со години се обидуваат да го натераат да го продаде клубот. Валенсија разочара и оваа сезона бидејќи остана без трофеи и пласмани во Европа.
Лилјаците завршија само на деветтото место и одамна се простија од борбата за Европа. Навивачите веќе не можат да издржат и тоа јасно го покажаа вчера.
Valencia fans protest outside Mestalla against Peter Lim and Meriton ahead of this evening's game with Celta Vigo.
🎥 @DepCOPEValencia pic.twitter.com/OS7HcdEGzC
— Get Spanish Football News (@GSpanishFN) May 21, 2022
Сцените пред стадионот на Валенсија го изненадија, но и го воодушевија фудбалскиот свет, а многумина изјавија дека навивачите на шпанскиот клуб покажале како се бори против сопствениците кои упорно одбиваат да си заминат, а резултатите од сезона во сезона се се полоши.
Ла Лига
