Неверојатен скандал, полиција во клупски автобус на фудбалски тим пронашла 86,5 килограми марихуана (ФОТО)
Неверојатна вест доаѓа од Јужна Америка, и тоа пред натпреварот од осминафиналето на Купот Судамерикана меѓу Боливар од Боливија и Сао Паоло од Бразил.
Натпреварот меѓу двата тима заврши со резултат 1:1, а пред натпреварот се случи голем скандал во кој интервенираше полицијата.
SÃO PAULO FUMAÇA CLUBE? 🚔🚨 A polícia boliviana apreendeu mais de 86kg de maconha que estavam dentro do ônibus que transportaria o São Paulo para o confronto diante do Bolívar, nesta terça, pela Sul-Americana. O veículo estava pronto para receber o clube paulista no momento da… pic.twitter.com/RbXwaCT2zN
— BandSports (@bandsports) August 11, 2026
УАПСЕНИ ВОЗАЧИТЕ НА АВТОБУСОТ НА САО ПАОЛО СО ЌЕСИ МАРИХУАНА
Боливиските органи на редот го запреле автобусот на ФК Сао Паоло во близина на Кочабамба. Рутинската контрола многу брзо прераснала во сериозна акција. Полицијата во четири торби, кои биле скриени во автобусот, пронашла дури 86,5 килограми марихуана. Тројцата возачи веднаш биле приведени, а среќна околност за бразилскиот клуб е тоа што ниту еден од фудбалерите во тој момент не бил во возилото.
Компанијата „Buses Cosmos“, задолжена за транспорт на фудбалерите на Сао Паоло, морала експресно да реагира. Бил обезбеден друг автобус, додека возачите биле приведени и била покрената истрага за да се утврди од каде потекнувала дрогата и кому била наменета. Компанијата ја префрлила одговорноста на своите вработени, со порака дека клубот нема никаква врска со случајот.
Треба да се напомене дека Бразилците пред дуелот во Боливија се подготвувале во Санта Круз де ла Сиера поради големата надморска височина на која се наоѓа Ла Паз, каде што се одиграл наведениот натпревар.
На крајот, останува неверувањето како толкава количина наркотични средства воопшто можела да заврши во автобус ангажиран за потребите на еден голем фудбалски клуб. Истрагата ќе покаже кој стои зад сè, но едно е сигурно – ова е скандал кој уште долго ќе го следи Сао Паоло, иако клубот, според досегашните информации, нема никаква врска со заплената.
