Обамејанг денеска се чувствува најлошо по одлуката на менаџерот на Челзи
Пјер-Емерик Обамејанг реши да ја напушти Барселона и да потпише за Челзи во последниот ден од преодниот рок.
Габонецот пристигна во Барселона на почетокот на оваа година како слободен играч од Арсенал и импресионираше со настапите во вториот дел од сезоната, а се покажа и како големо засилување за каталонскиот клуб.
Сепак, неговата ситуација во Барселона се промени по доаѓањето на Роберт Левандовски, а Аубамејанг го загуби местото во стартниот тим.
Иако Чави Ернандез сакаше Аубамејанг да остане иако нема да има минутажа како досега, сепак на крајот искусниот напаѓач реши да ги спакува куферите и да се врати во Англија.
По само половина година Обамејанг се врати во Лондон, но не во Арсенал туку во редовите на лутиот градски ривал Челзи, со кој потпиша двегодишен договор.
По потпишувањето на договорот, овој 33-годишен фудбалер изјави дека Томас Тухел бил главната причина поради која дошол во Челзи, и „скршил“ за да ја напушти Барселона.
Aubameyang couldn't wait to be reunited with Thomas Tuchel 💔
(via @ChelseaFC) pic.twitter.com/GT8fTA5UbM
— ESPN FC (@ESPNFC) September 7, 2022
Соработуваа со многу успех во Борусија Дортмунд и Аубамејанг конечно ја прифати понудата на Челзи поради германскиот стручњак. Но, сигурно е дека тој денеска веќе се кае поради тоа.
Имено, Аубамејанг вчера дебитираше за Челзи во шокантниот пораз на Максимир од Динамо и одигра 59 минути.
Tuchel and Aubameyang were reunited for just 59 minutes of football 😬 pic.twitter.com/thRqggMNlN
— ESPN UK (@ESPNUK) September 7, 2022
Извесно е дека до пред неколку дена немаше поим дека ќе работи со Тухел точно 59 минути, бидејќи Челзи денеска објави дека германскиот стручњак добил отказ, а ќе дојде и нов тренер.
Наводно, Обамејанг бил многу погоден од веста бидејќи Тухел инсистирал на неговото доаѓање и поради него потпишал за Челзи, а дали ќе биде стандарден играч во првиот тим кај новиот тренер останува да видиме.
