Од девојки од соседството, до мисици и водителки, беше крал на теренот, но и голем љубовник (ФОТО)

Од девојки од соседството, до мисици, ТВ водителки, модните дизајнерки и фотомодели, сите му кажаа ДА на Лотар Матеус, а потоа сонот стана реалност.

Лотар Матеус (63), капитен на Светското првенство во 1990 година, освојувач на Европското првенство, Златна топка и првиот играч прогласен за најдобар играч на годината од ФИФА во 1991 година, е најголемиот германски играч во историјата, вистинска легенда, но и срцекршач.

Првиот играч кој играл на пет последователни Светски првенства и еден од само шесте играчи кои го постигнале тој подвиг, ја освои Бундеслигата со Баерн, титулата во Серија А со Интер, но и пет пати се женеше и се разведуваше! Тој е веројатно еден од најголемите играчи од средниот ред во историјата на фудбалот иако неговиот живот надвор од теренот беше крајно турбулентен. Матеус се ожени со првата љубов Силвија Стендел во 1981 година додека играше за Борусија Менхенгладбах. Имаше само 20 години, а Силвија одигра клучна улога во важна фаза од неговата кариера, обезбедувајќи му и емоционална поддршка и семејна стабилност.

Двојката ги има ќерките Алиса (1986) и Виола (1988), но се развеле во 1992 година. Во истата година, Лолита Морена го роди третото дете на Матеус, синот Лорис. Матеус и Морена, швајцарски модел и ТВ водителка која ја претставуваше својата земја на Мис на светот во 1982 година и Мис Универзум една година подоцна, се венчаа во 1994 година. Сепак, тие се разведоа во 1999 година, непосредно пред неговото пензионирање од теренот по над 700 натпревари на Борусија и Баерн, Интер и Њујорк Метростарс.

Матеус ја започна својата тренерска кариера во Рапид Виена во септември 2001 година пред да го преземе белградскиот Партизан во декември следната година. Успехот како црно-бел тренер не му избега (место во Лигата на шампионите), а љубовта во српската престолнина ја најде во личноста на тогаш 31-годишната атрактивна и амбициозна Маријана Чолиќ од Врбас. Маријана, која основаше неколку модни брендови, беше заштитно лице на кампањата на Самсунг со фудбалска тема за време на Светското првенство во 2006 година. Таа претходно беше во брак (1990-1999) со неодамна починатиот српски магнат Миодраг Костиќ.

Двојката првично се раздели откако Матеус почна да се забавува со украинската манекенка Кристина Лилијана Чудинова во 2007 година. Чолиќ-Костиќ, чие презиме се уште е Матеус, набрзо поднесе барање за развод.

Наводно, Матеус и понудил на својата поранешна сопруга порамнување од 100.000 евра и сопственост на нивниот пентхаус во Будимпешта. Иако деталите за разводот не се објавени, се верува дека Чолиќ не ја обжалила пресудата, веројатно задоволна од исходот, а дека се во добри односи е потврдено во 2011 година кога Лотар присуствувал на нејзината ревија во белградскиот хотел Москва.

До моментот кога разводот беше официјализиран во јануари 2009 година, Матеус веќе се ожени со Чудинова. Тој тогаш имаше 47 години и 26 години постар од неа. Двојката се запозна на Октоберфест во Минхен во 2007 година и ја вети својата вечна љубов во Лас Вегас во декември 2008 година.

 Бракот беше изненадување за многумина, тие накратко се разделија во февруари 2008 година пред да се смират и повторно да живеат заедно. Четвртиот брак на Матеус почна да се распаѓа во пролетта 2010 година, кога таблоидите објавија слики од неговата сопруга како страсно прегрнува неименуван бизнисмен од Монако на јахта додека се одмора на Сардинија. Кога Матеус ги видел сликите, знаел дека разводот ќе биде неизбежен.