Одете сите во засолништа – Зошто мечот Франција-Ирак траеше четири часа? (ВИДЕО)

Светското првенство во САД, Мексико и Канада донесе неколку нови правила на кои навивачите веќе се навикнаа. Играта се одвива побрзо бидејќи судиите не дозволуваат одолговлекување на времето при изведување аут или корнер, играчите се казнуваат доколку ги покриваат устите за време на расправии, воведени се и паузи за освежување од по три минути во секое полувреме, а сега во пракса беше применет и „протоколот за невреме“.

Сите што останаа будни да го следат натпреварот меѓу Франција и Ирак (3:0) мораа долго да чекаат, бидејќи мечот, кој тешко дека решаваше нешто значајно, траеше дури четири часа поради невремето во Филаделфија.

We’ve been in a weather delay for over an hour and people are starting to leave France vs Iraq here in Philadelphia. That’s a lot of money spent to only see 45 minutes of the World Cup and to have wet clothes on the ride home.

I’ll be here until the final whistle tonight🇮🇶🇫🇷 https://t.co/VOfurxud42 pic.twitter.com/RNx7qWUmoj

— Jimmy King (@Jimmyking35) June 22, 2026

ШТО Е ПРОТОКОЛОТ ЗА НЕВРЕМЕ?

Уште кон крајот на првото полувреме, кога Франција водеше со 1:0 со голот на Мбапе, беше јасно дека условите за игра стануваат сè потешки поради силниот дожд што паѓаше во Филаделфија. Набргу се појавија и молњи, поради што ФИФА за првпат го активираше „протоколот за невреме“, воведен за Светското првенство во САД, Мексико и Канада.

For the first time this World Cup, play has been halted between France and Iraq due to severe weather warnings in Philadelphia ⛈️ pic.twitter.com/TnwpC4nlJL

— B/R Football (@brfootball) June 22, 2026

Американскиот протокол за грмотевични бури се заснова на препораките на Националната управа за океани и атмосфера (NOAA), според кои натпреварите мора да бидат прекинати доколку се регистрира молња или електрично празнење во радиус од осум милји (околу 13 километри) од стадионот. Навивачите во тој случај се евакуираат на безбедно место во рамките на објектот, додека играчите и стручните штабови го напуштаат теренот и се упатуваат кон соблекувалните.

Токму тоа се случи во Филаделфија, кога на стадионот беше објавено предупредување:

„Ве молиме за внимание. Заради ваша безбедност, сите ќе мора да ги напуштат трибините и да се засолнат во безбедните простории на стадионот поради невремето во оваа област. Персоналот е на располагање за да ве упати и да ви помогне. Оние што се наоѓаат на теренот, ве молиме мирно да се упатат кон најблискиот тунел, Западната хала или сервисниот коридор.“

Mbappe helping the pitch inspection staff find out where is wet for them to dry 😂😂 pic.twitter.com/glYECXrgWO

— george (@StokeyyG2) June 23, 2026

Кога натпреварот продолжи, на трибините немаше ниту приближно толку гледачи како на почетокот, иако временските услови тогаш веќе беа идеални за игра.