Одлична драма во Лајпциг, но Манчестер Јунајтед на крајот испадна!

Манчестер Јунајтед не успеа да избегне пораз во Германија.

На „црвените ѓаволи“ им требаше барем бод на ова гостување, но на крајот претрпеа пораз (3:2) и нема да играат во осминафиналето од Лигата на шампионите.

Започна ужасно за гостите, бидејќи Анџелино го постигна водечкиот гол за Лајпциг во втората минута по центаршутот на Сабицер и добриот удар од левиот бек на домашниот тим.

Во 13. минута Хаидара ја удвои предноста на домашниот тим. Тие беа на колена во 69-та минута, кога по асистенција на Анџелина Џастин Клуиверт постигна гол за 3:0.

Гостите не се предадоа ниту на 3:0, па успеаа да се вратат во живот за само две минути. Прво, Бруно Фернандеш погоди од белата точка во 80-та минута за 3:1, а две минути подоцна по гужвата во казнениот простор на Лајпциг, Погба во скок, топката се одби од Мегваер во мрежата на домашниот тим.

Следуваа силни напади на Јунајтед, но тоа не беше доволно за целосен кам-бек, па Лајпциг отиде понатаму со ПСЖ.

На вториот натпревар од оваа група, се сретнаа ПСЖ и Башакшехир, но тој натпревар беше прекинат поради расистички навреди кон Демба Ба и не беше продолжен.

Во групата Е сè е веќе решено, а на последните натпревари од групата Челзи одиграа 1:1 со Краснодар, додека Севиља славеше на гостувањето кај Рен со 3:1.