Официјално: Ливерпул го „врза“ својот дијамант за професионален договор

Ливерпул официјално објави дека 17-годишниот Бен Док го потпишал својот прв професионален договор со клубот. Младиот играч на Селтик пристигна на „Енфилд“ за 600.000 фунти во текот на летото и веќе има еден настап за првиот тим на Мерсисајдерите.

Док импресионираше со своите игри во Премиер Лигата 2, постигнувајќи осум гола и асистенција на уште 6 во 15 натпревари досега.

Младинскиот репрезентативец на Шкотска играше против Дерби Каунти како стартер во Лига купот и остави многу добар впечаток со настапите против клубот од Лига 1. Викендов беше меѓу резервите за дуелот со Саутемптон во Премиер лигата, но не ја започна играта.

Тинејџерот, кој во петокот наполни 17 години, има една цел за својата земја и се очекува да има повеќе настапи за првиот тим на Ливерпул по Светското првенство во Катар.

Ben Doak has signed his first professional contract with #LFC 🙌

— Liverpool FC (@LFC) November 14, 2022

„Црвените“ се шести во Премиер лигата и се враќаат на клупските обврски на 19 декември со натпреварот во Лига Купот против Манчестер Сити.