Организирана скара во Барселона, целта е обединување и опуштање по поразите од ПСЖ и Реал Мадрид

Најтешката недела на сезоната досега ја потресе Барселона, по поразот 4-2 од ПСЖ во Лигата на шампионите и поразот 2-1 во „Ел Класико“ против Реал Мадрид. Главната загриженост се однесува на одбраната, но техничкиот штаб го истакна и падот на интензитетот, грешките во читањето на играта и тешкотиите во управување со моментите на натпреварот.

За да се избегне подлабока криза, Ханси Флик организираше скара во тренинг центарот на клубот, каде што се собраа играчите и персоналот. Целта на средбата беше да ја обедини групата и отворено да ги дискутираат неодамнешните проблеми.

Неколку од лидерите на тимот, меѓу кои и Рафиња и Родри, земаа збор за да ги мотивираат соиграчите. Играчи анализираа грешките, од недостаток на агресивност во пресингот до неточности во градењето на играта.

Во соблекувалната останува уверувањето дека Барселона има потенцијал да се натпреварува на највисоко ниво и да освојува трофеи. Одговорот се очекува на теренот, во натпреварите против Алавес, Астон Вила и Атлетико Мадрид.