По 11 години потрага: Радоста за титулата на Наполи го чинеше слобода 60-годишниот криминалец

Италијанската полиција го пронашла и уапсила бегалецот Винченцо Ла Порта, по кој се трагаше 11 години, пренесува „Кориере дела сера“.

Ова стана факт, благодарение на фотографијата за време на прославата на титулата на Наполи, на која човекот беше виден меѓу навивачите. Ла Порта беше фатен во кадар облечен во небесно син дрес во еден од рестораните на грчкиот остров Крф.

La passione per il Napoli e la voglia di esultare per lo scudetto lo hanno tradito. Latitante da 11 anni, Vincenzo La Porta è stato immortalato in una foto durante i festeggiamenti per lo scudetto in un ristorante di Corfù #IoSeguoTgr @TgrRaihttps://t.co/7FDP6svcK4

— Tgr Rai Campania (@TgrRaiCampania) August 5, 2023

Се верува дека 60-годишникот, кој е обвинет за финансиска измама, има блиски врски со криминалната банда неаполска Камора. Винченцо е еден од 100-те најбарани криминалци на Ботуша и е осуден на 14 години и 4 месеци затвор.

Неговото апсење се случило по долга потера, извршена заедно со грчката полиција. Криминалецот добил заседа на улица додека се движел со скутер.

Потсетуваме, Наполи ја освои Серија А минатата сезона 2022/23, а тоа се случи по трет пат во историјата на клубот!